المساعدة.

أكيد. ما بتدفعي شي قبل ما توصلك القطعة لبيتك وتشوفيها بعينك (الدفع عند الاستلام). وما منطلب منك أي بطاقة أو كلمة سر.

لا. بس بتكتبي اسمك ورقم موبايلك وعنوانك. ما في تسجيل ولا كلمة سر.

بعد ما تطلبي بيطلعلك رقم طلبك. منتواصل معك على واتساب لنأكّد الطلب ولما ينشحن، وبأي وقت فيكِ تسألينا عنه برقم الطلب.

اللغة من الأحرف فوق (ع · TR · EN). العملة (دولار، ليرة تركية، ليرة سورية) من الأزرار الصغيرة جنب السعر، أو من زر القائمة ☰.

لوسي مساعدتنا على الموقع، بتجاوبك بأي وقت عن الموديلات والألوان والمقاسات والتوصيل. إذا بدك تحكي مع حدا من الفريق، كبسي زر واتساب الأخضر.

الصور حقيقية للقطعة نفسها. الشاشات بتفرق شوي بالألوان، فإذا حابة تتأكدي من لون، اسألينا على واتساب.

اختاري القطعة واللون والمقاس وضيفيها عالحقيبة، وبعدين اكتبي عنوانك. بعد التأكيد بيوصلك رقم الطلب ورابط لتبعتيه على واتساب، ومنحكي معك لنأكد موعد التوصيل.

جوا سوريا فيكي تختاري: الهرم، مجاناً لكل المحافظات، أو أرامكس ومنأكد معك أجرته. جوا تركيا عبر Yurtiçi Kargo، وكل الدول العربية وباقي العالم عبر أرامكس، ومنأكد معك أجرة الشحن قبل التجهيز. والمدة المتوقعة منخبرك فيها لما نأكد الطلب.

نحنا المصنع نفسه، وعنا مشغلين: بإسطنبول وبسوريا، يعني نحنا قريبين منك. ما عنا محلات، ومنبيع بس عبر هالموقع وإنستغرام وواتساب وتيك توك، لتوصلك القطعة مباشرة من المشغل بسعر المصنع.

الدفع عند الاستلام، أو تحويل بشام كاش بعد ما نأكد الطلب. والدفع بالبطاقة قريباً.

إذا القطعة ما طلعت متل ما تخيّلتيها، فيكي ترجعيها خلال ٧٢ ساعة من الاستلام بحالتها الأصلية. راسلينا على واتساب ومنرتّب الأمر معك.

أغلب موديلاتنا بمقاس واحد بيناسب من S لـ XL، وبعضها بمقاسات من S لـ 2XL. إذا احترتي، ابعتيلنا طولك ووزنك على واتساب ومنقترح الأنسب.

غسيل يدوي بمي باردة، أو تنظيف جاف للقطع المشكوكة بالخرز، وكوي على حرارة خفيفة من الجوا.